Анафора
Здесь Вы можете прочитать тексты главной молитвы Литургии
Анафора на литургии св. Иоанна Златоустого
Достойно и праведно Тебе пети, Тебе благословити, Тя хвалити, Тя благодарити, Тебе поклонятися на всяком месте владычествия Твоего; Ты бо еси Бог неизреченен, недоведомь, невидимь, непостижимь, присно Сый, такожде Сый; Ты и Единородный Твой Сын и Дух Твой Святый; Ты от небытия в бытие нас привел еси и отпадшыя возставил еси паки, и не отступил еси, вся творя́, до́ндеже нас на небо возвел еси и Царство Твое даровал еси будущее. О сих всех благодарим Тя, и Единороднаго Твоего Сына, и Духа Твоего Святаго, о всех, ихже вемы и ихже не вемы, явленных и неявленных благодеяниих, бывших на нас. Благодарим Тя и о Службе (греч. Литургии) сей, ю́же от рук наших прия́ти изволил еси, а́ще и предстоят Тебе тысящи архангелов и тмы ангелов, херувими и серафими, шестокрилатии, многоочитии, возвышающиися пернатии,
победную песнь поюща, вопиюща, взывающа и глаголюща!
Хор: Свят, свят, свят, Господь Саваоф! исполнь небо и земля славы Твоея; осанна в вышних, благословен грядый во имя Господне, осанна в вышних.
С сими и мы блаженными силами, Владыко, человеколюбче, вопием и глаголем: Свят еси́ и пресвят, Ты, и Единородный Твой Сын, и Дух Твой Святый; свят еси́ и пресвят, и великолепна слава Твоя, иже мир Твой тако возлюбил еси́, я́коже Сына Твоего Единороднаго да́ти, да всяк ве́руяй в Него не погибнет, но и́мать живот вечный.
И́же пришед, и все е́же о нас смотрение исполнив, в нощь, в ню́же предая́шеся, па́че же Сам Себе предаяше за мирски́й живот, приемь хлеб во святыя Своя и пречистыя и непорочныя руки, благодарив и благословив, освятив, преломив, даде́ святым Своим учеником и апостолом, рек [возглашает «установительные слова» Господа на Тайной вечере]: Приими́те, яди́те, сие есть Тело Мое, е́же за вы ломимое во оставление грехов!
Хор: Аминь.
Подо́бне и чашу по вечери, глаго́ля: Пийте от нея́ вси, сия́ есть кровь Моя новаго завета, яже за вы и за мно́ги изливаемая во оставление грехов!
Хор: Аминь.
Поминающе у́бо ныне спасительную сию заповедь, и вся, я́же о нас бывшая: крест, гроб, тридневное воскресение, на небеса восхождение, одесну́ю седе́ние, второе и славное паки пришествие Твоя от Твоих, Тебе принося́ща о всех и за вся! Тебе поем, Тебе благословим, Тебе благодарим, Господи, и молим Ти ся, Боже наш.
Еще́ приносим Ти словесную сию и безкровную Службу , и просим, и молим, и мили ся деем: низпосли Духа Твоего Святаго на ны и на предлежа́щыя Дары сия,
[свящ. и диак. читают: Господи, иже Пресвятаго Твоего Духа… Сердце чисто созижди… Не отвержи мене… – Тропарь III-го Часа и стихи 50-го псалма;
это славянская интерполяция с начала XV в., чуждая изначальному тексту анафоры; у греков ее нет.]
и сотвори у́бо хлеб сей честно́е Тело Христа Твоего,
А е́же в чаши сей, честну́ю Кровь Христа Твоего.
Преложи́в Духом Твоим Святым.
Яко же быти причащающимся во трезвение души, во оставление грехов, в приобщение Святаго Твоего Духа, во исполнение Царствия Небеснаго, в дерзновение еже к Тебе, не в суд или во осуждение.
Еще́ приносим Ти словесную сию Службу о и́же в вере почивших: пра́отцех, отце́х, патриа́рсех, проро́цех, апо́столех, пропове́дницех, евангелистех, мученицех, исповедницех, возде́ржницех, и о всяком ду́се праведнем, в вере скончавшемся,
изрядно о Пресвятей, пречистей, преблагословенней, славней Владычице нашей Богородице и Приснодеве Марии!
Лик: Достойно есть яко воистину… (гимн Богородице).
О святем Иоанне Пророце, Предтечи и Крестители, о святых славных и всехвальных Апостолех, о святем (имярек), егоже и память совершаем, и о всех святых Твоих, ихже молитвами посети нас, Боже.
В первых помяни, Господи, великого господина и отца нашего (имярек), Святейшаго Патриарха Московскаго и всея Руси, и господина нашего (Высоко) преосвященнейшего (имя и титул правящего архиерея), ихже даруй Святым Твоим церквам в мире, целых, честных, здравых, долгоденствующих, право правящих слово Твоея́ истины!
Хор: И всех и вся.
Помяни, Господи, град сей, в немже живем, и всякий град и страну, и верою живущих в них.
(И далее следует поминовение плавающих, путешествующих, болящих и страждущих, плененных…; поминает также поименно всех, кого хочет, и в завершение возглашает:)
И даждь нам еди́неми усты и еди́нем сердцем сла́вити и воспевати пречестное и великоле́пое Имя Твое: Отца и Сына и Святаго Духа, ныне и присно и во веки веков!
Хор: Аминь.
победную песнь поюща, вопиюща, взывающа и глаголюща!
Хор: Свят, свят, свят, Господь Саваоф! исполнь небо и земля славы Твоея; осанна в вышних, благословен грядый во имя Господне, осанна в вышних.
С сими и мы блаженными силами, Владыко, человеколюбче, вопием и глаголем: Свят еси́ и пресвят, Ты, и Единородный Твой Сын, и Дух Твой Святый; свят еси́ и пресвят, и великолепна слава Твоя, иже мир Твой тако возлюбил еси́, я́коже Сына Твоего Единороднаго да́ти, да всяк ве́руяй в Него не погибнет, но и́мать живот вечный.
И́же пришед, и все е́же о нас смотрение исполнив, в нощь, в ню́же предая́шеся, па́че же Сам Себе предаяше за мирски́й живот, приемь хлеб во святыя Своя и пречистыя и непорочныя руки, благодарив и благословив, освятив, преломив, даде́ святым Своим учеником и апостолом, рек [возглашает «установительные слова» Господа на Тайной вечере]: Приими́те, яди́те, сие есть Тело Мое, е́же за вы ломимое во оставление грехов!
Хор: Аминь.
Подо́бне и чашу по вечери, глаго́ля: Пийте от нея́ вси, сия́ есть кровь Моя новаго завета, яже за вы и за мно́ги изливаемая во оставление грехов!
Хор: Аминь.
Поминающе у́бо ныне спасительную сию заповедь, и вся, я́же о нас бывшая: крест, гроб, тридневное воскресение, на небеса восхождение, одесну́ю седе́ние, второе и славное паки пришествие Твоя от Твоих, Тебе принося́ща о всех и за вся! Тебе поем, Тебе благословим, Тебе благодарим, Господи, и молим Ти ся, Боже наш.
Еще́ приносим Ти словесную сию и безкровную Службу , и просим, и молим, и мили ся деем: низпосли Духа Твоего Святаго на ны и на предлежа́щыя Дары сия,
[свящ. и диак. читают: Господи, иже Пресвятаго Твоего Духа… Сердце чисто созижди… Не отвержи мене… – Тропарь III-го Часа и стихи 50-го псалма;
это славянская интерполяция с начала XV в., чуждая изначальному тексту анафоры; у греков ее нет.]
и сотвори у́бо хлеб сей честно́е Тело Христа Твоего,
А е́же в чаши сей, честну́ю Кровь Христа Твоего.
Преложи́в Духом Твоим Святым.
Яко же быти причащающимся во трезвение души, во оставление грехов, в приобщение Святаго Твоего Духа, во исполнение Царствия Небеснаго, в дерзновение еже к Тебе, не в суд или во осуждение.
Еще́ приносим Ти словесную сию Службу о и́же в вере почивших: пра́отцех, отце́х, патриа́рсех, проро́цех, апо́столех, пропове́дницех, евангелистех, мученицех, исповедницех, возде́ржницех, и о всяком ду́се праведнем, в вере скончавшемся,
изрядно о Пресвятей, пречистей, преблагословенней, славней Владычице нашей Богородице и Приснодеве Марии!
Лик: Достойно есть яко воистину… (гимн Богородице).
О святем Иоанне Пророце, Предтечи и Крестители, о святых славных и всехвальных Апостолех, о святем (имярек), егоже и память совершаем, и о всех святых Твоих, ихже молитвами посети нас, Боже.
В первых помяни, Господи, великого господина и отца нашего (имярек), Святейшаго Патриарха Московскаго и всея Руси, и господина нашего (Высоко) преосвященнейшего (имя и титул правящего архиерея), ихже даруй Святым Твоим церквам в мире, целых, честных, здравых, долгоденствующих, право правящих слово Твоея́ истины!
Хор: И всех и вся.
Помяни, Господи, град сей, в немже живем, и всякий град и страну, и верою живущих в них.
(И далее следует поминовение плавающих, путешествующих, болящих и страждущих, плененных…; поминает также поименно всех, кого хочет, и в завершение возглашает:)
И даждь нам еди́неми усты и еди́нем сердцем сла́вити и воспевати пречестное и великоле́пое Имя Твое: Отца и Сына и Святаго Духа, ныне и присно и во веки веков!
Хор: Аминь.